2013 он 8-р сарын 17 Бямба,
Онгироо.МН
Эхлэл » Нийслэл » Автомашины хөдөлгүүрийн утаа 270 гаруй төрлийн хорт бодис агаарт ялгаруулдаг

Автомашины хөдөлгүүрийн утаа 270 гаруй төрлийн хорт бодис агаарт ялгаруулдаг

Нийтлэлийн төрөл: Нийслэл, Нийгэм, Байгаль орчин

Улаанбаатар хотын агаарын бохирдол нь гэр хорооллын утаа, авто тээврийн хэрэгслээс ялгарах утаа, тортог, гурван том дулааны цахилгаан станцын утаа, хөрсний бохирдол зэргээс үүсдэг гэж үздэг.

БОАЖЯ-ны мэдээлснээр нийслэлийн агаарын бохирдлын 10 хувийг автомашины утаа эзэлдэг ажээ. Манай улсын хэмжээнд 20 болон түүнээс дээш насжилттай тээврийн хэрэгслийн тоо 244 мянга,15-20 жилтэй 237 мянга, 10-14 жилтэй 224 мянга, 7-9 жилтэй 95 мянга, 4-6 жил ашигласан 66 мянга мянган машин манай улсад холхиж байна. Эндээс 0-3 жилтэй машин 27 мянгахан ширхэг бий. Нийт тээврийн хэрэгслийн 75 хувь нь 10-аас дээш жил гүйчихсэн тэрэгнүүд. Нийтийн тээвэр, том оврын автобуснууд энэ бохирдлыг улам баяжуулна. Одоогоор 1181 автобус нийтийн зорчигч тээврийн үйлчилгээнд ажиллуулж байгаагийн 60 хувь нь 10-аас дээш жил явсан. 

 

Автомашины хөдөлгүүрийн утаа хүний эрүүл мэндэд хамгийн хортой болохыг НҮБ анхааруулж байна. Учир нь автомашины утаа нүүрстөрөгчийн дутуу болон давхар исэл, хүхэрлэг хий, хөө тортог, хар тугалга, кадми, альдегид зэрэг 270 гаруй төрлийн хорт бодис агаарт ялгаруулдаг болохыг ДЭМБ тогтоосон. Үүний улмаас амьсгалын замын цочмог болон архаг өвчин, харшлын эмгэг, сэтгэхүйн эрхтнүүдийн үйл ажиллагааг алдагдуулах, бие ядрах сульдах цаашлаад хорт хавдар үүсэх, ураг эхийнхээ хэвлийд өсөлт нь зогсох зэрэг ноцтой үр дагавар гарч байгаа юм. Өвлийн улиралд царцсан автомашин тэр дундаа хуучин автомашин хорт утаа маш их ялгаруулдаг.

Тиймээс иргэд авто машиныхаа насжилтанд анхаарах хэрэгтэй юм.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой. tsag.mn