2013 он 8-р сарын 17 Бямба,
Онгироо.МН
Эхлэл » Нийгэм » “Шилэн данс”-наас үүдэж, Х.Бадамсүрэн, Л.Оюун-Эрдэнэ нарын бие чилээрхэв үү

“Шилэн данс”-наас үүдэж, Х.Бадамсүрэн, Л.Оюун-Эрдэнэ нарын бие чилээрхэв үү

Нийтлэлийн төрөл: Нийгэм, Онцлох мэдээ

“Шилэн данс”-наас үүдэж, Х.Бадамсүрэн, Л.Оюун-Эрдэнэ нарын бие чилээрхэв үү

Зам, тээврийн хөгжлийн  Дэд сайд асан Б.Цогтгэрэл байгууллагуудын санхүүтэй холбогдох хууль бус ажиллагааг “Шилэн данс”-ны мэдээлэлд тулгуурлан мэдэгдэх болсноор чамгүй хугацаа өнгөрчээ. Тиймдээ ч түүнийг “Шилэн” Цогоо гэхээр андахгүй мэднэ. Тэгвэл “Шилэн” Цогоо уулын баяжуулах “Эрдэнэт” үйлдвэрийн “Шилэн данс”-н дахь мэдээллийг нийтэд дэлгэсэн.

Тус үйлдвэрийн захирлаар УИХ-ын гишүүн асан Х.Бадамсүрэн ажилладаг бөгөөд охин Б.Буянжаргалынхаа сургалтын төлбөр болох 102,385,101 төгрөгийг “Эрдэнэт” үйлдвэрийн данснаас Канадын “Торонто”-гийн Их сургууль руу шилжүүлжээ. Мөн нэг ширхэг унадаг дугуйг 20 сая төгрөгөөр худалдан авсан зэрэг мэдээллийг дэлгээд байна.

“Саалийн үнээ” гэгдэх тус үйлдвэр нь татварт чамгүй орлого бүрдүүлдэг хуруу дарам цөөн байгууллагуудын нэг хэдий ч ийнхүү эрх мэдэлтнүүд нь мөнгийг дураар зардаг, улсад их хэмжээний хохирол учруулдаг байдал байсаар байна.

Үүнээс гадна Х.Бадамсүрэн захирал массажны сандал 54 сая төгрөгөөр авдаг, мөнгөн аяганы урьдчилгаа төлбөрт 8,3 сая төгрөг шилжүүлдэг, унаагаа солихдоо 512 сая төгрөгөөр тус тус худалдан авдаг гээд хэрхэн мөнгө “хусаж” болох бүх боломжийг ашигласан нь харагдана. Гэтэл Х.Бадамсүрэнгээс гадна тус газрын зарим захирал, хурган дарга нар ч Ерөнхий захирлаасаа дутахгүй мөнгө гулгуулдаг нь ч нотлогдсоор байна. Тухайлбал, Хамтын ажиллагаа, нийгмийн асуудал хариуцсан захирал Д.Дэлгэрбаяр эмчилгээний зардалд 219.063.796 төгрөг гаргуулан авсан нь “Шилэн данс”-наас гэрэлтэв.

Харин “Шилэн” Цогоогийн буянаар төрийн өмчит компанид бий болсон хууль бус зүйлийг илчилсэн учраас Х.Бадамсүрэн захиралд хариуцлага тооцохоос өөр аргагүй болсон. Гэтэл эрхэм захирлын бие гэнэт чилээрхэн, эмнэлэгт хэвтэж байгаа аж. Үүгээр ч зогсохгүй “Эрдэнэт” үйлдвэрт “Онц байдал тогтоон шалгаж байгаа” хэмээн сүржигнэж байсан Засгийн газрын хэрэг эрхлэх газрын дарга Л.Оюун-Эрдэнэ ч таг дуугүй. “Онц байдал” нэрийн араар чухам ямар асуудал өрснийг ч шалгах асуудал хөндөгдөж байгаа. Харин “Онц байдал” зарласан Л.Оюун-Эрдэнэ ч мөн эмнэлэгт хэвтэж байгаа гэх мэдээлэл бий. Хууль, журамд зааснаас харвал аливаа байгууллагын удирдлагыг халах солих шаардлага гарвал эмнэлэгт хэвтэж байхад юм уу, ээжлийн амралттай байхад нь шийдвэр гаргаж болдоггүй. Тиймээс холбогдох этгээдүүд нийгэмд газар авч байгаа шуугианыг намдаахаар шийдсэн бололтой.

О.Баяр

Эх сурвалж: Түмэн.мн

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой. tsag.mn