2013 он 8-р сарын 17 Бямба,
Онгироо.МН
Эхлэл » Онцлох мэдээ » Салхитын мөнгө алтны ордод УУХҮ-ийн сайд Г.Ёндон болон бусад албаныхан ажиллалаа

Салхитын мөнгө алтны ордод УУХҮ-ийн сайд Г.Ёндон болон бусад албаныхан ажиллалаа

Нийтлэлийн төрөл: Онцлох мэдээ, Уул уурхай

Уул уурхай, хүнд үйлдвэрийн сайд Г.Ёндон, Эрдэнэс Монгол ХХК-ний гүйцэтгэх захирал П.Ганхүү болон бусад албаны хүмүүс өнгөрөгч амралтын өдөр Салхитын мөнгө-алтны ордын олборлолт, уурхайн үйл ажиллагаатай танилцлаа.

Дундговь аймгийн Гурвансайхан сумын нутагт орших Салхитын мөнгө-алтны орд нь мөнгөний хүдрийн 2,920 мян.тонн нөөцтэй (B+C), жилд 600 мян тонн хүдэр олборлох хүчин чадалтай.

2020 оны геологи хайгуулын ажлын үр дүнд нийт 2890 орчим га талбайг хамруулан дахин өрөмдлөг, уул сувгийн ажил хийсний дүнд нөөц 2-3 дахин өсөхөөр тооцоолол гарсныг “Эрдэнэс силвер ресурс” компанийн гүйцэтгэх захирал Т.Мөнхбаяр танилцуулсан.

2020 оны 3-5 р сар хүртэл хугацаанд Салхит уурхайн болон баяжуулах үйлдвэрийн үйл ажиллгааг барилга, үндсэн болон туслах тоног төхөөрөмжийн 80%-ийн эвдрэлтэй байсныг сэргээн засварлаж, хоногт 1.0 мянган тонн, жилд 300.0 мянган тонн хүдэр боловсруулах хүчин чадалтай үйлдвэрийг бий болгосон. Өнөөдөрийн байдлаар 70-80%-ийн хүчин чадалтай ажиллаж, 32.0 мянган тонн хүдэр боловсруулж, 532 тонн баяжмал үйлдвэрлэснийг Салхитын мөнгө-алтны ордын үйлдвэрлэл хариуцсан дэд захирал Б.Жаргалсайхан танилцууллаа.

Уул уурхай, хүнд үйлдвэрийн сайд Г.Ёндон:

Юуны өмнө та бүхний ажилд амжилтыг хүсье. Уг төсөл маань маш олон хүний анхаарлын төвд байдаг. Нийгэмд их хүлээлт үүсгэсэн төсөл байгаа. Энэ төслийн үйл ажиллагааг бид найдвартай чанартай явуулах нь та бидний үүрэг. Бидний хувьд уурхайн үйл ажиллагаатай танилцаж байгаа нь зүгээр үзээд хараад өнгөрөх биш тулгамдсан, шийдэх ёстой асуудлыг шийдэж бүх талын зөвлөгөө, дэмжлэг, тусламж өгөх асуудлаар явж байна. Тэхээр бид хэдий чинээ гүн боловсруулалт хийж нэмүү өртөг шингэсэн бүтээгдэхүүн экспортод гаргана төдий чинээ ашиг орлого олно. Бидний гол зорилго бол зардлыг аль болох багасгаж, бүтээмжийг нэмэгдүүлэх ёстойг хэлээд төслийн нийт ажилчид уурхайчдад ажлын өндөр амжилтыг хүсээд яамны зүгээс бүх талаар ойр хамтран ажиллахаа илэрхийллээ.

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой. tsag.mn