2013 он 8-р сарын 17 Бямба,
Онгироо.МН
Эхлэл » Улс төр » Ж.Бат-Эрдэнэ Булганы намын хороогоор нэр дэвших эрхээ сольж авчээ

Ж.Бат-Эрдэнэ Булганы намын хороогоор нэр дэвших эрхээ сольж авчээ

Нийтлэлийн төрөл: Улс төр, Онцлох мэдээ

Намын даргатайгаа тохироо хийж, УИХ-ын сунгаанд өнжсөн хэд хэдэн хүн МАН-д бий. Тэдний нэг нь Э.Мөнх-Очир. Турк улсын Станбул дахь Ерөнхий консулаар ажиллаж байгаад оны өмнөхөн ажлаа өгөөд эх орондоо ирсэн даруйдаа Төрийн тэргүүний зөвлөхөөр ажиллаж эхэлсэн. Түүнийг ирсний дараахан УИХ-ын сонгуульд өрсөлдөнө, тэр дундаа Булган аймагт нэр дэвшигчдийн хүчтэй өрсөлдөгч болно гэх мэдээлэл цацагдсан ч тэрбээр арын албанд үүрэг гүйцэтгэж чимээгүйхэн өнжлөө.

Тэгвэл энэ нь МАН-ын дарга У.Хүрэлсүхтэй тохироо хийсэнтэй холбоотой байж. Түүнийг их сунгаанд өнжвөл Орон нутгийн сонгуулиар Булган аймгийн Засаг даргын сэнтийг өгөхөөр тохиролцсон байна. Чухамдаа Булган аймгийн намын хороо болоод Засаг ноёны суудлыг амласан хэрэг.

Харин түүний оронд Ж.Бат-Эрдэнэ тойрог авч, сунгааны дараа Орон нутгаас гараа татна гэх ам тангараг өгсөн байгаа юм. Амлалтаа бичгээр үйлдэж өгсөн гэдгийг ч намын нөхөд нь хэлж байна. Энэ үнэн байх магадлал маш өндөр. Учир нь Э.Мөнх-Очирын тухайд яалт ч үгүй хүчтэй өрсөлдөгч төдийгүй нутаг усандаа ч нэр хүндтэй кадр мөн юм.

Орон нутгийн сонгууль хоёрхон сарын дараа болно. Өрсөлдөгчид хэдийнэ орон нутагтаа бууриа засаж, намын хороондоо “эзэн” сууж, орон нутгийн сонгуулийн ялалтад бэлтгэж эхэлсэн энэ үед намын даргын амлалт харин арай удаашралтай байгаа нь АН-ынхны хувьд өгөөш болохоор байна. Сахал хочит Ж.Бат-Эрдэнийн тухайд намын даргадаа амалсан амлалтынхаа дагуу орон нутагт санаа тавихаа больж, Э.Мөнх-Очирын хувьд У.Хүрэлсүхийн шийдвэрийг хүлээн үндсэндээ тус аймгийн дотоод асуудал хүлээлтийн байдалд шилжчихэж.

Хөгжил цэцэглэлт, шийдүүлэх асуудал бүр нь бусад аймаг орон нутгаас үргэлжид хоцорч, анхдагчдын өлгий гэх бахархал нь эсрэгээрээ шогчлуулах байдалд хүрчихээд буй тус аймгийн хувь заяаг төр, нийгмийн нэр зүтгэлтэн Энэбиш агсны хүүд атгуулах нь МАН-ын хувьд ололт, ялалтын үүд байж мэдэх юм. Монгол Улсын Ерөнхийлөгчийн сонгууль ч хаяанд ирсэн энэ үед У.Хүрэлсүхийн нүүдэл бүр оновчтой, хариуцлагатай байх шаардлагатай учраас Ж.Бат-Эрдэнээс дээрх амлалтыг бичүүлж авсан нь тэр болов уу. Харин нэгэнт ийм амлалт үйлдсэн бол намын зүгээс шийдвэрээ хурдхан гаргаж нэг ч гэсэн аймгаа дараалсан сонгуулиудын буухиад эртхэн бэлтгүүлж, эмх цэгцэнд оруулж байх нь зөв биз ээ.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой. tsag.mn